Bakı-2015: Birinci Avropa Oyunlarının evakuasiya proseduru uğurla başa çatıb

Bakı-2015 Avropa Oyunlarının Əməliyyat Komitəsi (BAOƏK) bu gün öz qərargahında ümumi hazırlıq çərçivəsində evakuasiya proseduru keçirib.

APA-nın məlumatına görə, yarışın mərkəzi ofisində baş tutan sınaq uğurla başa çatıb.

Komitədən bildiriblər ki, hər bir böyük təşkilat belə qlobal tədbirdən öncə özünün fövqəladə vəziyyət və evakuasiya prosedurunun hər bir aspektini sınaqdan çıxarır. BAOƏK də bu gün bunu uğurla və rəvan şəkildə həyata keçirdi.