Təhsil Nazirliyi 20 nömrəli məktəb-liseyin yeni binasının layihə görüntülərini təqdim edib

Təhsil Nazirliyi 20 nömrəli məktəb-liseyin yeni binasının layihə görüntülərini təqdim edib Təhsil Nazirliyi 20 nömrəli məktəb-liseyin yeni inşa olunan binasının layihə üzrə görüntülərini təqdim edib.

Nazirliyin mətbuat xidmətindən APA-ya verilən xəbərə görə, 20 nömrəli məktəb-lisey Bakı şəhərinin əhalinin ən sıx məskunlaşdığı ərazisində yerləşdiyindən təhsil müəssisəsinin yeni tikilən binasının müasir tələblərə uyğun inşa olunması nəzərdə tutulub. 3000 şagird yerlik layihələndirilmiş və 25000 kvadratmetr sahəsi olacaq yeni məktəbin 2016-2017-cı tədris ili üçün istifadəyə verilməsi planlaşdırılır. Məktəb-liseyin eskiz layihəsi və digər müvafiq sənədləri Bakı Şəhəri İcra Hakimiyyəti tərəfindən təsdiq edilib.

Qeyd edək ki, Bakı şəhərindəki 20 nömrəli məktəb-lisey ölkəmizin ən böyük təhsil müəssisələrindən biridir. Bu tədris ocağında 111 sinifdə 2830 şagird təhsil alır. Əvvəlki dövrlərdə isə məktəb-liseydə 3200 nəfərədək şagird oxuyub. Məktəbdə çalışan 289 müəllimdən 5-i əməkdar müəllim, 5-i ilin müəllimi, 3-ü elmlər namizədidir. Hazırda paytaxtın digər 2 məktəbində müvəqqəti yerləşdirilmiş 20 nömrəli məktəb-liseydə elektron təhsil müəssisəsi kimi bir sıra innovasiyayönümlü layihələr gerçəkləşdirilib.



Təhsil Nazirliyi 20 nömrəli məktəb-liseyin yeni binasının layihə görüntülərini təqdim edib

Təhsil Nazirliyi 20 nömrəli məktəb-liseyin yeni binasının layihə görüntülərini təqdim edib

Təhsil Nazirliyi 20 nömrəli məktəb-liseyin yeni binasının layihə görüntülərini təqdim edib

Təhsil Nazirliyi 20 nömrəli məktəb-liseyin yeni binasının layihə görüntülərini təqdim edib

Təhsil Nazirliyi 20 nömrəli məktəb-liseyin yeni binasının layihə görüntülərini təqdim edib
Şərhlər
İqtisadiyyat bölməsinin xəbərləri