Azərbaycan yığmasının üzvü qızıl medalın sahibi olub

Rəsul Çunayev də yarışa 1/8 finaldan start verib. Universiadanın qalibi, dünya və Avropa çempionatının mükafatçısı ilk görüşdə moldovalı Daniel Kataraqa ilə üz-üzə gəlib.

APA-nın məlumatına görə, millimizin liderlərindən olan Çunayev rəqibinə asanlıqla qalib gələrək, mərhələ adlayıb.

Rəsul 1/4 finalda Dominik Etlinqerlə (Xorvatiya) gücünü yoxlayıb. Təmsilçimiz qələbə seriyasını davam etdirərək, rəqibini 4:0 hesabı ilə məğlub edib. Yarımfinalda Rəsul çətinliklə üzləşməyib. "Neftçi İdman Klubu"nun üzvü Svilen Kostadinovla (Bolqarıstan) görüşü 10:0 hesabı ilə öndə bitirib.

Finalda macarıstanlı Balint Korpasi ilə üz-üzə gələn idmançımız qələbə sayəsində Avropa Oyunlarının qızıl medalına sahib çıxıb - 4:2.