Azərbaycan Avropa Oyunlarında növbəti qızıl medal qazanıb

Azərbaycanın qadınlardan ibarət güləş üzrə yığmasının üzvü Mariya Stadnik qızıl medal qazanıb.

APA-nın məlumatına görə, dünya çempionumuz həlledici görüşdə bolqarıstanlı Eltsa Yankova ilə qarşılaşıb.

M. Stadnik yenə çətinlik çəkmədən xalçadan qalib ayrılıb.

***

Azərbaycanın qadınlardan ibarət güləş üzrə yığmasının lideri Mariya Stadnik finala vəsiqə qazanıb.

APA-nın verdiyi məlumata görə, təsnifat mərhələsindən azad olan dünya və dördqat Avropa çempionu mübarizəyə 1/8 finaldan başlayıb.

Stadnikin ilk görüşdə portuqaliyalı Liliana Kosta Dos Santosla güləşib. İdmançımız rəqibinə böyük hesabla qalib gəlib - 12:2. Olimpiya mükafatçımız 1/4 finalda fransalı Julye Sabatyedən də üstün olub. Mariya bu dəfə döyüşü 11:0 hesabı ilə xeyrinə bitirib.

Təmsilçimiz finala gedən yolda İvona Matkovska (Polşa) ilə gücünü sınayıb. Stadnik bu döyüşdən də qalib ayrılıb - 8:2.