"Ziraat Bank Azərbaycan"ın İdarə Heyətinə daha bir üzv seçilib

“Ziraat Bank Azərbaycan” ASC-nin İdarə Heyətinə daha üzv seçilib.

APA-nin xəbərinə görə, Vüqar Rəfiyev İdarə Heyətinin üzvü seçilib.

Eyni zamanda, V. Rəfiyev büdcə nəzarəti və mühasibat uçotu departamentinin rəhbəri vəzifəsini tutur.

Xatırladaq ki, "Ziraat Bank Azərbaycan" ASC-nin İdarə Heyəti sədri vəzifəsinə Avni Demirci gətirilib.

A. Demirci bundan öncə "Ziraat Bank (Moskva)" QSC-nın Müşahidə Şurasının üzvü, eyni zamanda İdarə Heyətinin sədri vəzifəsində çalışıb.

Onun müavini vəzifəsinə isə Alptekin Sarıgöl təyin olunub. A. Sarığöl bundan əvvəl “Azər-Türk Bank”ın İdarə Heyəti sədrinin müavini vəzifəsini tutub.

Xatırladaq ki, Azərbaycan Mərkəzi Bankının İdarə Heyətinin 2014-cü il dekabrı ayının 30-da verdiyi qərar ilə “Ziraat Bank Azərbaycan” ASC-yə bank lisenziyası verilib.

Bank fəaliyyətinə 50 mln. manatlıq nizamnamə kapitalı ilə fəaliyyətə başlayacaq.