Uşaqlardan ibarət moda nümayişi keçirilib

Paytaxtımızda “Baku 2015” Avropa Oyunlarına həsr olunmuş uşaqlardan ibarət moda nümayişi keçirilib.

Live.az-ın məlumatına görə, birliyin nümayəndəsi Mina Vaqif bildirib ki, müsabiqədə 20-dan çox gənc modelyerin əl işinin nümayiş olunub.

Balaca modellərin üzünə Avropa Oyunlarının simvollarını əks etdirən şəkillər çəkilib. Belə ki, qızların libası üzərində loqo, oğlanların geyimində isə "Bakı 2015" təsvir olunub. Sonda müsabiqənin qalibi gənc dizaynerlər Alla Çamlıbel və Natiq Musazadə olub.

Qeyd edək ki, yarışmanın münsiflər kürsüsündə tanınmış modelyerlər Faxriə Xalafova, Gülnarə Xəlilova, Türkiyədə fəaliyyət göstərən azərbaycanlı model Könül Əzizova, rəqqasə Oksana Rəsulova, təşkilatçı Samirə Zeynalova əyləşib.