ABŞ səfiri izləmə qalmaqalı ilə əlaqədar Almaniya kanslerinin idarəsinə çağırılıb

ABŞ-ın Almaniyadakı səfiri izləmə qalmaqalı ilə əlaqədar müzakirələr üçün kansler Anqela Merkelin idarəsinə çağırılıb.

APA-nın məlumatına görə, bu barədə “Guardian” qəzeti xəbər yayıb.

WikiLeaks saytında dərc olunan məlumata görə, ABŞ Milli Təhlükəsizlik Agentliyi (MTA) Almaniyanın dövlət qurumları rəhbərlərinin və yüksək vəzifəli məmurların telefonunu dinləyib. Ümumilikdə 69 telefon nömrəsinə qulaq asılıb.

Məlumata görə, MTA-nı ilk növbədə Almaniyanın iqtisadi və valyuta siyasəti maraqlandırıb.