Azərbaycan İtaliya millisini Bakı Olimpiya Stadionunda qəbul edəcək

Futbol üzrə Azərbaycan millisinin Avro-2016-nın seçmə mərhələsi çərçivəsində İtaliya ilə keçirəcəyi oyunun stadionu müəyyənləşib. Apasport.az saytının məlumatına görə, qarşılaşma yeni istifadəyə verilən Bakı Olimpiya Stadionunda baş tutacaq.

H qrupunda yer alan millimizin italyanlarla matçı oktyabrın 10-da oynanılacaq.

Qeyd edək ki, bu, yığmamızın Bakı Olimpiya Stadionunda ilk görüşü olacaq.