DİN Bakıda baş verən ağır yol qəzası ilə bağlı məlumat yayıb

Daxili İşlər Nazirliyi (DİN) Bakıda baş verən ağır yol qəzası ilə bağlı məlumat yayıb.


APA-nın nazirliyin saytına istinadən verdiyi məlumata görə, iyunun 3-də saat 02.45 radələrində Qaradağ rayonunun Qobustan qəsəbəsi ərazisində Bakı şəhər sakini Cəlil Murtuzov idarə etdiyi “BMW” markalı avtomaşını yol kənarında dayanan Lənkəran rayon sakini Cəlil Qasımova məxsus “KamAZ” markalı yük maşınına çırpıb. Nəticədə C.Murtuzovun sərnişinləri - Bakı şəhər sakinləri Elçin Nəzirov, Vüsalə Nəzirova hadisə yerində ölüb. Xəsarət alan sürücü və digər sərnişinləri - Humayıl Nəzirli və Murad Nəzirli isə xəstəxanaya yerləşdiriliblər.



Faktla bağlı Baş Dövlət Yol Polisi İdarəsi tərəfindən araşdırma aparılır.