Azərbaycan ilk rabitə peykinin istismarından gəlir götürməyə başlayıb

Azərbaycan «Azerspace-1» milli süni rabitə peykinin telekommunikasiya imkanlarının 40%-ni artıq xarici ölkələrə icarəyə verib.


Bu barədə «APA-Economics»ə açıqlamasında «Azərkosmos» ASC-nin sədri Rəşad Nəbiyev bildirib. Onun sözlərinə görə, artıq peykin telekommunikasiya imkanlarının 40%-i Afrika ölkələri tərəfindən istismar olunur: «Buna görə artıq 5 mln. dollarlıq ilkin gəlir də daxil olub».



R.Nəbiyev bildirib ki, peykin imkanlarının cəmi 20%-i Azərbaycanın ehtiyaclarını ödəməyə kifayət edir, imkanların qalan 80%-i isə digər istifadəçilərin istifadəsinə veriləcək.