"Qarabağ" Avropa Liqasına keçdi

Bu gün UEFA Çempionlar Liqasında III təsnifat mərhələsinin oyunları keçirilir.

Trend-in məlumatına görə, turnirdə yeganə təmsilçimiz "Qarabağ" Bakıda Şotlandiyanın "Seltik" klubunu qəbul edib.

Qlazqoda keçirilən ilk oyunda rəqibinə 0:1 hesabı ilə uduzan Ağdam təmsilçisi bu dəfə də qələbə qazana bilməyib.

Oyun 0:0 hesablı bərabərliklə başa çatıb.

Beləliklə, "Qarabağ" Çempionlar Liqasında mübarizəni dayandıraraq Avropa Liqasının sonuncu - IV təsnifat mərhələsinə vəsiqə qazanıb.