Mingəçevirdə avtomobilin altında qalan piyada hadisə yerində ölüb

Mingəçevir şəhərində piyadanın ölümü ilə nəticələnən yol-nəqliyyat hadisəsi baş verib.

APA-nın xəbərinə görə, hadisə bu gün şəhərin Heydər Əliyev prospektində qeydə alınıb. Yevlax rayonu Tanrıqulular kənd sakini, 1963-cü il təvəllüdlü Vidadi Cəfərov idarə etdiyi “Toyota Prado” markalı minik avtomobili ilə hərəkətdə olarkən yolu keçmək istəyən piyada, şəhər sakini 1952-ci il təvəllüdlü Məhəbbət Qurbanovu vurub. Hadisə şahidlərinin sözlərinə görə, avtomobil piyadanın üstündən keçib. Məhəbbət Qurbanov aldığı xəsarətdən hadisə yerində ölüb.


Faktla bağlı Mingəçevir şəhər Polis Şöbəsi tərəfindən araşdırma aparılır.