Yay rejiminə keçidlə bağlı Bakı Zooparkında heyvanların qida rasionuna dəyişikliklər edilib

“İyunun 1-dən etibarən Bakı Zooparkında yay rejiminə keçilib. Bununla əlaqədar olaraq bəzi heyvanların yemlənməsində və yaşayış yerlərində dəyişikliklər edilib”.


Bu barədə APA-ya açıqlamasında Bakı Zooparkının direktoru Azər Hüseynov deyib. O bildirib ki, heyvanlara verilən qida rasionu bir qədər azaldılıb: “Bəzi heyvanlara qışda daha çox kalorili yeməklər verildiyi halda yayda bu qidaların miqdarı bir qədər azaldılıb. Heyvanların yerlərində suların tez-tez dəyişilməsi təmin olunub. Heyvanların xəstələnməməsi üçün baytar həkimlər tərəfindən daimi müşahidələr aparılır”.


A. Hüseynov bu il ərzində bəzi heyvanlardan bala aldıqlarını da deyib. Onun sözlərinə görə, cari il ərzində ceyrandan, canavarlar, quşlardan digər heyvanlardan bala əldə olunub.