Bakı metrosunda özünü qatarın altına atan şəxsin Rusiya vətəndaşı olduğu məlum olub

Bakının “28 May” metrostansiyasında özünü qatarın altına ataraq intihar edən şəxsin kimliyi müəyyən edilib.

Nəsimi rayon Polis İdarəsindən APA-ya verilən məlumata görə, həmin şəxs 1985-ci il təvəllüdlü Mirzəyev Rüstəm Fəxrəddinoviçdir. Onun Rusiya vətəndaşı olduğu bildirilir. Hazırda fakt üzrə araşdırma aparılır.


***

Bakıda özünü metro qatarının altına atan şəxsin meyiti çıxarılaraq adiyyatı orqanlara təhvil verilib.

Bu barədə APA-ya məlumat verən Bakı Metropoliteninin mətbuat xidmətinin rəhbəri Nəsimi Paşayev bildirib ki, hazrıda metroda qatarların hərəkəti bərpa olunub.

***

Bakıda metroda bədbəxt hadisə baş verib.

Bakı Metropoliteninin mətbuat xidmətinin rəhbəri Nəsimi Paşayevin APA-ya verdiyi məlumata görə, metronun “28 May” stansiyasında bir nəfər hərəkət edən qatarın altına yıxılıb. N. Paşayev qatarın hərəkətinin dayandırıldığını, həmin şəxsin öldüyünü bildirib.

Hadisənin intihar olub-olmaması araşdırılır.