Azərbaycan baş nazirinin müavini ilə ABŞ səfiri arasında görüş keçirilib

Amerika Birləşmiş Ştatlarının Azərbaycandakı səfiri Robert Sekuta ilə Azərbaycan baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov arasında görüş olub.

APA-nın səfirliyin rəsmi “Twitter” səhifəsinə istinadən verdiyi məlumata görə, görüşdə ABŞ-ın Azərbaycandakı inkişafa dəstəyi və humanitar yardım məsələləri müzakirə olunub. R. Sekuta məcburi köçkünlərə humanitar dəstəyin göstərilməsinin ABŞ hökuməti üçün əhəmiyyətli olduğunu bildirib.