Göygöldə iki “VAZ-2107” toqquşdu, hər iki sürücü öldü
- 05.06.2013, 13:40,
- Hadisə
- 0
Facebook
Вконтакте
Одноклассники
Google+
Bakı-Qazax magistralının Göygöl rayonu ərazisindən keçən hissəsində ağır yol qəzası baş verib.
Trend Kəpəz TV-yə istinadən istinadən xəbər verir ki, Göygöl rayon Balçılı kənd sakini 21 yaşlı Fuad Məmmədov idarə etdiyi "VAZ-2107" markalı, "64-BA-934" dövlət nömrə nişanlı avtomobillə Gəncə şəhər sakini 28 yaşlı Tural Məmmədovun idarə etdiyi "VAZ-2107" markalı, "10-MZ-876" dövlət nömrə nişanlı avtomobillə toqquşub.
Qəza nəticəsində Fuad Məmmədov hadisə yerində ölüb. Digər sürücü isə aldığı ağır xəsarətlərlə Gəncə Şəhər Təcili Tibbi Yardım Xəstəxanasının Reanimasiya şöbəsinə yerləşdirilib. Həkimlərin səyinə baxmayaraq, onun həyatını da xilas etmək mümkün olmayıb.
Faktla bağlı Baş Dövlət Yol Polisi İdarəsi tərəfindən araşdırma aparılır.
