Anonim zəng nəticəsində çoxlu silah-sursat tapıldı

Ötən gün Goranboy rayonun ərazisində xeyli sayda silah-sursat aşkarlanıb. Xocalı rayon Polis Şöbəsindən APA-ya verilən məlumata görə, Polis Şöbəsinə edilən anonim zəng əsasında Goranboy rayonun Yenikənd kəndi ərazisinə baxış keçirilib.

Həmin vaxt oradan 1 ədəd avtomat, 1 ədəd naqan tipli tapança, 1 ədəd xaricdə istehsal olunmuş tapança, 3 ədəd açılan tüfəngi, 4 ədəd avtomat sandıqçası, 1 ədəd süngü bıçağı və xeyli sayda patronlar aşkar edilərək polis əməkdaşları tərəfindən götürülüb.

Hazırda polis şöbəsində faktla bağlı araşdırma aparılır.