Türkiyəli müğənni azərbaycanlı bəstəkarın mahnısını canlı ifa etdi [Video]

Azərbaycanlı bəstəkar Murad Arifin bəstəsi olan "İstanbul" mahnısını türkiyəli müğənni Ziynət Salı canlı ifa edib.


Live.az-ın məlumatına görə, mahnını ifa edən Ziynət Salı "Facebook" səhifəsində "Azeri bestecinin İstanbul sevdası" adlı yazı da paylaşıb.


Bu xəbərlə Murad Arifdə öz twitter mikribloqundada bölüşüb.


Türkiyənin məşhur ifaçısı Ziynet Sali Murad Arifin bəstələdiyi "İstanbul" mahnısını Ozan Doğulunun oranjemanında ifa edib.


Xatırladak ki, məşhur sənətçi yeni "Sonsuz Ol" adlı albomunda mahnını yerləşdirdiyini bildirmişdi. Ziynet Sali, bu mahnını çox sevdiyini və klip çəkdirəcəyini bildirib.


2009-cu ildə Murad Arifin bəstələdiyi "İstanbul" adlı mahnı az bir müddətdə hitə çevrilmişdi.


Xəyyam Nisanovun ifasında səslənən "İstanbul" mahnısı ölkəmizlə yanaşı Türkiyədə də məşhurlaşmış, və Suat Ateşdağlının "Bosphorus night" albomunda yerləşdirilmişdi.


Həmçinin Xəyyam Nisanov bu mahnıya Türkiyədə klip də çəkdirmişdi.