Göygöldə avtomobil aşıb, ölən var

Bu gün günorta saat 13:30 radələrində Göygöl rayonun ərazisində bir nəfərin ölümü, bir nəfərin isə ağır xəsarət alması ilə nəticələn ağır yol qəzası baş verib.


APA-nın xəbərinə görə, qəza Gəncə-Daşkəsən yolunun 8-ci kilometrliyində qeydə alınıb. Göygöl rayon sakini Vasif Əliyev idarə etdiyi “VAZ 2107” markalı avtomobilə Gəncə istiqamətində hərəkətdə olarkən yoldan çıxaraq 30 metr dərinliyində dərəyə düşüb. Hadisə şahidlərinin sözlərinə görə, “VAZ 2107” markalı avtomaşının qarşısına yük maşını çıxıb. Nəticədə sürücü hadisə yerində dünyasını dəyişib. Digər sərnişin Teyyub Cəlilov Gəncə şəhər Təcili Tibi Yardım Xəstəxanasına yerləşdirilib.


Faktla bağlı Göygöl rayon Polis Şöbəsində araşdırmalar aparılır.