Azərbaycanda 200 mindən artıq işçi ilə əmək müqavilələrinin bağlanması təmin edilib

Azərbaycanda qısa müddət ərzində 200 mindən artıq işçi ilə əmək müqavilələrinin bağlanmasına nail olunub.

APA-nin xəbərinə görə, bunu jurnalistlərə açıqlamasında əmək və əhalinin sosial müdafiəsi naziri Fizuli Ələkbərov deyib.

O bildirib ki, işçilərlə bu müqavilələrin bağlanması müxtəlif dövlət qurumları, o cümlədən Əmək və Əhalinin Sosial Müdafiəsi Nazirliyi tərəfindən təmin edilib.

Nazir yay mövsümündə daş karxanalarında aparılacaq monitorinqlərə də münasibət bildirib. O qeyd edib ki, daş karxanalarında monitorinqlər mütəmadi olaraq davam etdirilir: “Yay mövsümü başladığından, orada işlərin həcmi kifayət qədər artıb. Ona görə də biz yaxın zamanlarda daş karxanalarında növbəti reydlər həyata keçirəcəyik”.