“Forbes” növbəti dəfə Vladimir Putini dünyanın ən nüfuzlu adamı seçib

“Forbes” jurnalı bu il üçüncü dəfə Rusiya prezidenti Vladimir Putini dünyanın ən nüfuzlu adamı seçib.

APA-nın məlumatına görə, nəşr qeyd edir ki, Rusiyaya qarşı sanksiyalara, iqtisadiyyatın zəifləməsinə baxmayaraq iyunda Putinin ölkə daxilində reytinqi 89 faiz təşkil edib.

Reytinqdə növbəti yerləri Almaniya kansleri Angela Merkel, ABŞ prezidenti Barak Obama, Roma Papası Fransisk Çin lideri Si Tzinpin bölüşüblər.

İlk “onluq”da həmçinin “Microsoft” şirkətinin sahibi Bill Qeyts, ABŞ Federal Rezerv Sisteminin rəhbəri Canet Yellen, Böyük Britaniyanın baş naziri Devid Kemeron, Hindistanın baş naziri Narendra Modi və “Google” şirkətinin yaradıcılarından biri olan Larri Peyc yer alıb.