Pakistanda binanın uçması nəticəsində 18 nəfər ölüb, 200 nəfər uçqun altında qalıb

Pakistanın Lahor şəhərində fabrikin damı uçub, nəticədə 18 nəfər ölüb.

APA-nın “RİA Novosti”yə istinadən verdiyi xəbərə görə, yerli “Nation” nəşrinin məlumatına əsasən, 200 nəfər hələ də uçqun altında qalıb. Hadisə yerinə 160 xilasedici cəlb olunub.

Məlumata görə, insident nəticəsində 70 nəfər xəsarət alıb.

Hadisə üç mərtəbəli fabrikdə təmir işləri zamanı binanın dam örtüyü fəhlələrin üstünə uçub.