FIA-nın Baş Assambleyasında 2016-cı il "Formula 1"-in təqvimi təsdiqlənib

Beynəlxalq Avtomobil Federasiyasının (FIA) Parisdə keçirilən Baş Assambleyasının illik iclasında avtomobil idmanı sahəsində bir sıra mühüm qərarlar qəbul edilib.

Azərbaycan Avtomobil Federasiyasından Trend-ə verilən məlumata görə, həmçinin 2016-cı il "Formula 1" yarışlarının təqvimi və gələn il Bakıda keçiriləcək "Formula 1" Avropa Qran-Prisinin yekun tarixi təsdiq olunub.

Qeyd edək ki, iclas çərçivəsində Azərbaycan Avtomobil Federasiyası tərəfindən Bakıdakı "Formula 1" yarışları ilə bağlı bir sıra ikitərəfli görüşlər keçirilib.

Xatırladaq ki, 30 noyabr - 4 dekabr tarixlərində Parisdə Beynəlxalq Avtomobil Federasiyasının Baş Assamleyasının illik iclası keçirilir. İslasda Azərbaycan Avtomobil Federasiyasının nümayəndə heyəti iştirak edir.