“Dəyişən tezliklər” adlı 8-ci TEDxBakı konfransının açılışı olub

Bakı Cazz Mərkəzində “Dəyişən tezliklər” adlı 8-ci TEDxBakı konfransının açılışı olub. APA-nın məlumatına görə, tədbirdən əvvəl ABŞ-ın Azərbaycandakı səfiri Riçard Morninqstar konfrans barədə fikirlərini bölüşüb.



Səfir bildirib ki, konfransın ideyası gəncləri, xüsusi ilə ABŞ-da təhsil alan tələbələri bir araya gətirmək, ideyalar barədə danışmaq və fikirləri bölüşməkdir: “Bu tədbirin heç bir siyasi çaları yoxdur. Bu, sadəcə bir imkandır ki, insanlar çıxıb danışa bilsinlər”.



Daha sonra TEDx barədə qısa videoçarx nümayiş olunub, layihə kuratoru Kris Andersonun müraciəti oxunulub. Bundan sonra məruzəçilərin çıxışları olub.



Qeyd edək ki, tədbirdə müxtəlif mövzular, o cümlədən təhsil, mədəniyyət, ədəbiyyat, musiqi və elm mövzusunda çıxışlar edilib.



TED Birləşmiş Ştatlarda keçirilən və dünyanın aparıcı mütəfəkkirlərinin və yaradıcılarının bir araya gələrək, onları maraqlandıran mövzular haqqında fikirlərini bölüşdükləri konfransdır.