Azərbaycan prezidenti: "İdarəetmə sahəsində islahatlar yeni formatda davam etdiriləcək"

"Ölkədə sosial və infrastruktur layihələri, Bakı və ətraf qəsəbələrin inkişafı ilə bağlı Dövlət Proqramı uğurla icra olunur. 2015-ci ildə Azərbaycanda ictimai sabitlik təmin edilib, növbəti illərdə ölkəmizin iqtisadi inkişafının təmin olunması diqqət mərkəzində saxlanacaq".



APA-nın məlumatına görə, bunu Azərbaycan prezidenti İlham Əliyev Zirə Mədəniyyət Mərkəzinin və eko-parkın açılışında Xəzər rayonunun bir qrup sakini ilə görüşdə deyib.



Gələn il idarəetmə sahəsində islahatların yeni formatda davam etdiriləcəyini deyən prezident İlham Əliyev icra orqanlarının fəaliyyətində, vergi və gömrük sahəsində şəffaflığın təmin ediləcəyini bildirib.



“Azərbaycan xalqının maraqları mənim üçün hər şeydən üstündür”, - deyə dövlət başçısı vurğulayıb.