Azərbaycan paytaxtında ər və arvad evdə yanaraq ölüb

Bakıda iki nəfərin ölümü ilə nəticələnən yanğın hadisəsi baş verib.



APA-nın Fövqəladə Hallar Nazirliyinin saytına istinadən verdiyi məlumata görə, hadisə Bakı şəhəri, Suraxanı rayonunda qeydə alınıb. Çoxmənzilli yaşayış binasında vətəndaşa məxsus ümumi sahəsi 60 kv.m olan 3 otaqlı mənzilin 1 otağında divan 2 kv.m sahədə və yerə döşənmiş xalça yanıb. Yanğının kəşfiyyatı zamanı ev sahibi, 1951-ci il təvəlüdlü Mikayıl Abbasov və onun həyat yoldaşı, 1951-ci il təvəllüdlü Zoya Abbasovanın yanmış meyitləri aşkar edilib. Mənzilin qalan hissəsi yanğından mühafizə olunub.



Hadisə ilə əlaqədar müvafiq qurumlar tərəfindən təhqiqat aparılır.