Azərbaycan ərazisində qısamüddətli yağışlar yağacaq

İyunun 11-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.


Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova APA-ya açıqlamasında deyib ki, səhər və axşam bəzi yerlərdə qısa müddətli yağış yağacağı ehtimalı var.



Mülayim şimal-qərb küləyi arabir güclənəcək. Havanın temperaturunun gecə 16-21, gündüz 25-29 dərəcə isti olacağı gözlənilir. Abşeron çimərliklərində dəniz suyunun temperaturu 19-21 dərəcə isti olacaq.


Sabah Azərbaycanın rayonlarında da bəzi yerlərdə şimşək çaxacağı, yağış yağacağı gözlənilir. Qərb küləyi əsəcək, arabir güclənəcək. Havanın temperaturu gecə 15-20, gündüz 25-30, dağlarda gecə 6-11, gündüz 15-20 dərəcə isti olacaq.



İyunun 11 və 12-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir.