Sabirabadda bıçaqlanma hadisəsi baş verib

Sabirabad rayonunda yeniyetmə həmkəndlisinə bıçaqla ağır xəsarət yetirib.



Bu barədə Sabirabad rayon Polis Şöbəsinin müstəntiqi Şahin Abdulovun məlumat verib. Sabirabad rayonunun Minbaşı kəndində 1996-cı il təvəllüdlü Yolçuyev Ərzulla Mansur oğlu şəxsi münasibətlər zəminində həmkəndlisi, 1993-cü il təvəllüdlü Əliyev Fərman Zaur oğlunu qarın nahiyəsindən bıçaqlayaraq hadisə yerindən qaçıb. Fərman Əliyev Şirvan şəhər Xəstəxanasında əməliyyat olunub, hazırda reanimasiya şöbəsində müalicəsi davam edir.



Polisin axtarış-əməliyyat tədbirləri nəticəsində Ərzulla Yolçuyev saxlanılıb.



Faktla bağlı Sabirabad rayon Polis Şöbəsində qəsdən sağlamlığa zərər vurma maddəsi ilə cinayət işi açılıb, istintaq aparılır.