Məşhur yazıçı Umberto Eko vəfat edib

İtaliyanın dünyaşöhrətli yazıçı-mütəfəkkiri və filosofu Umberto Eko 84 yaşında vəfat edib.

APA-nın məlumatına görə, bu barədə “Corriere della Sera” qəzeti xəbər verib.

U.Eko “Qızılgülün adı (1980), “Fukonun rəqqası” (1988), “Bir gün əvvəlki ada” (1994) və digər məşhur əsərlərin müəllifidir. Yazıçının son romanı “Sıfır Sayı” 2015-ci ildə işıq üzü görüb.

Umberto Eko 1932-ci il, yanvarın 5-də İtaliyanın Alessandriya şəhərində anadan olub. Müxtəlif vaxtlarda tarix və jurnalistika ilə məşğul olub. U.Eko fransız Fəxri Legion Ordeninin kavaleri və bir çox mükafatların sahibi olub.