Ağsu rayonunda bir gecədə 8 mağazadan oğurluq edilib

Ağsu rayonunda sahibkarlıq obyektləri qarət edilib.


APA-nın məlumatına görə, naməlum şəxslər ötən gecə Ağsu şəhərinin Nizami və M. Ə. Rəsulzadə küçələrində 4 mağaza və diş kabinetini qarət ediblər, digər 4 mağazaya daxil olsalar da, orada pul və qiymətli əşyalar olmadığı üçün heç nə götürməyiblər. Oğrular şəhərin Nizami küçəsində Elnur Quliyevə məxsus diş kabinetindən hər biri 1 qram olmaqla 8 ədəd qızıl diş, həmin küçədə yerləşən “Faiq” marketdən 300 manat, “Orxan” marketdən 380, digər mağazadan 420 manat nəğd pul aparıblar. Şəhərin M.Ə.Rəsulzadə küçəsində yerləşən “Halal” market, “Gəlinlik geyimləri” və “Ətriyyat” mağazalarına da baş çəkən oğrular orada nəğd pul olmadığı üçün başqa mallara toxunmayıblar.



Faktla bağlı rayon Polis Şöbəsinin istintaq əməliyyat qrupu hadisə yerində olub, əraziyə baxış keçiriblər. Faktla bağlı cinayət işi açılıb, oğruların tapılması istiqamətində tədbirlər görülür.