Tolik 40 il bundan əvvəlki müğənnilər haqda: “Başqasının ərində gözü olub...”

“Sənət birlik deməkdir. Bizdə isə birlik yoxdur. Görün indiki və ya 40 il bundan əvvəlki müğənnilərin belə bir fotosu var? Yoxdur... Çünki kiminsə başqasının ərində gözü olub, sevgilisini əlindən alıb”.

“Qafqazinfo”nun məlumatına görə, bu sözləri prodüser Tarix Əliyev (Tolik) sosial şəbəkədə yazıb.

Prodüser bildirib ki, artıq bəzi sənətçilərin qatarı gedib:

“Kimsə onun-bunun torbasını tikməyə çalışıb. O vaxtlar bir kanalımız var idi – AzTV. Nisə Qasımovanı illərdir kanallardan uzaqlaşdıran mən idim? İndi bəzi müğənnilər nəsə etmək istəyir, amma alınmır. Çünki sizin də qatarınız gedib. İndi sizin də sözünüzün kəsəri yoxdur, yalnız ətrafınızdakı tulalara sözünüz keçir.

İlhamə Quliyevanın ölümündə bir şeyi anladım ki, vaxtında bunları yandırmaq lazımdır. Çünki onsuzda qabağında əlini öpən insan sən öləndən sonra pisləyəcək. Yaxşılığı başa düşən adama edəsən”.