Azərbaycan əhalisi ötən il əmanətlərdən 521 mln. manatdan çox gəlir əldə edib

2015-ci ildə Azərbaycan əhalisi əmanətlərdən 521 milyon manatdan çox gəlir əldə edib.

APA xəbər verir ki, bu barədə məlumat Nazirlər Kabinetinin 2015-ci ildə fəaliyyəti haqqında hesabatda qeyd olunub.

“Əhali bank sektoru ilə münasibətdə xalis kreditordur. Hesabat dövründə əhalinin əmanətləri bankların başlıca resurs mənbəyi olub. Əhalinin əmanətlərinin həcmi kreditlərini əhəmiyyətli üstələyir. Hazırda ölkədə hər 1000 nəfərə 762 əmanətçi düşür. Adambaşına əmanətin məbləği 1000 manata çatıb”, - deyə məlumatda vurğulanıb.