ARDNF 9 banka 11,9 mln. dollar satıb

Bu gün Azərbaycan Mərkəzi Bankının müntəzəm hərracları vasitəsilə hərrac təşkil edilib.



Azərbaycan Respublikası Dövlət Neft Fondundan (ARDNF) APA-ya verilən məlumata görə, fond tərəfindən 150 milyon ABŞ dolları məbləğində vəsait hərraca çıxarılıb, bu vəsaitdən 11,9 milyon ABŞ dolları məbləğində vəsait 9 banka satılıb.



İl ərzində ARDNF tərəfindən hərraclar vasitəsilə valyuta satışı davam etdiriləcək.