Minsk qrupu Dağlıq Qarabağ münaqişəsi zonasında vəziyyətin gərginləşməsini müzakirə edəcək

ATƏT-in Minsk qrupu gələn həftə Vyanada növbəti görüş keçirəcək. Trend-in məlumatına görə, bunu RİA Novosti-yə təşkilatdakı mənbə deyib.

Mənbə qeyd edib ki, görüşdə Dağlıq Qarabağ münaqişəsi zonasında vəziyyətin kəskin gərginləşməsi müzakirə ediləcək: "Ermənistan-Azərbaycan münaqişəsində təmas xəttində davam edən gərginlik və ATƏT-in tənzimlənməyə kömək üzrə rolu nəzərə alınmaqla gələn həftə Vyanada aparılacaq mütəmadi məsləhətləşmələr çərçivəsində Dağlıq Qarabağ üzrə üç həmsədr (ABŞ, Rusiya, Fransa) bir araya gələcək.

Onun sözlərinə görə, həmsədrlərin ATƏT-in bir sıra üzv dövlətlərindən ibarət Minsk qrupu üzvlərini vəziyyət və uzun müddətdir davam edən bu münaqişənin tezliklə həlli yollarının axtarışı üzrə həmsədrlərin gələcək addımları barədə məlumatlandıracağı gözlənilir.