Merkel: “Almaniya Qarabağ danışıqlarının bərpasına görə məsuliyyət daşıyır”

Berlində səfərdə olan Ermənistan prezidenti Serj Sarkisyan Almaniya kansleri Angela Merkel və xarici işlər naziri Frank Valter Ştaynmayerlə görüşüb.

APA-nın “RİA Novosti” agentliyinə istinadən verdiyi xəbərə görə, görüşdən sonra keçirilən brifinqdə A. Merkel bildirib ki, Almaniya ATƏT-ə sədrlik edən dövlət kimi Dağlıq Qarabağ münaqişəsinin tezliklə həlli və danışıqların bərpasına görə məsuliyyət daşıyır.

Ştaynmayer isə danışıqlar prosesinin bərpası və qoşunların təmas xəttində monitorinqin aparılmasının vacibliyini önə çəkib.