Yaponiyada zəlzələ nəticəsində ölənlərin sayı 41 nəfəri keçib, azı 1500 nəfər yaralanıb

Yaponiyanın Kumamoto prefekturasında baş verən 7,3 bal gücündə zəlzələ nəticəsində ölənlərin sayı 40-ı keçib.

APA-nın “Associated Press”-ə istinadən verdiyi xəbərə görə, zəlzələ nəticəsində azı 41 nəfər ölüb, 1500 nəfərdən çox insan xəstəxanalara yerləşdirilib.

Hazırda hadisə yerində xilasetmə işləri davam etdirilir.

Təbii fəlakət nəticəsində yüz minlərlə ev elektrik enerjisiz və qazsızqalıb, içməli təchizatı dayandırılıb.

Qeyd edək ki, aprelin 15-də Yaponiyanın Kumamoto prefekturasında 7,3 bal gücündə zəlzələ baş verib. Bir gün əvvəl isə ölkənin cənub-şərqində baş verən zəlzələ nəticəsində 9 nəfər ölüb, 1000-dən çoxu xəsarət alıb, dağıntılar var.