“BBC” Türkiyə yayımçısı ilə əməkdaşlığı dayandırıb

Britaniya yayım korporasiyasının rəhbərliyi “BBC”nin reportajlarını Türkiyədə yayımlayan “NTV” telekanalı ilə əməkdaşlığı dayandırdığını bəyan edib.

APA-nın “BBC”yə istinadən verdiyi xəbərə görə, bu qərara səbəb türk kanalının “BBC”nin İstanbuldakı iğtişaşlar haqqında hazırladığı reportajını efirə buraxmaması olub. Reportaj “NTV” kanalı da daxil olmaqla bir sıra türk telekanalının hökumət əleyhinə çıxışları işıqlandırmamaq qərarına həsr olunub.   
 
“BBC”nin Ümumdünya xidmətinin rəhbəri Piter Horroks qeyd edib ki, “BBC”nin yayımına cüzi müdaxilə belə yolverilməzdir.