Bakıda “Art and Jewels of the World” sərgisi keçirilib

Artıq 3-cü ildir ki, "Four Seasons Hotel Baku"da "Art and Jewels of the World" adlı illik sərgi keçirilir. İldən-ilə ən füsunkar zinət əşyaları və sənət asərləri kolleksiyalarının təqdimatı yeni konseptual yanaşma ilə qonaqlar arasında böyük maraq doğurur.


Dinamik və ambisiyalarla dolu Bakı şəhərinin ritmi, həmçinin klassik irs ilə müasir təm-tərağın vəhdəti hər il sərgini yeni konsepsiyada təqdim etməyə mükəmməl şərait yaradır.


Bu il tədbirin əsas əlamətləri eksklüzivlik və qənirsizlik olaraq, məşhur brendlərin ən ecazkar kolleksiyalarını təqdim etmək məqsədilə şəxsi ziyarət üçün xüsusi şərait yaradılmışdır. Üç gün ərzində "Four Seasons Hotel Baku"nun lyuks otaqların qapıları seçilmiş qonaqlar üçün açıq olub. Qonaqlara Yvel, Fabergé və Lydia Courteille kimi dizaynerlərdən heyranedici zinət əşyaları təqdim olunub. Greubel Forsey - Swiss Haute Horlogerie ("Yüksək İsveç saat sənəti") öndəgedən markası eksklüziv olaraq öz yeni şah əsərini - incəsənətin və saat istehsalında ən çətin texnologiyalardan olan Tourbillon-un birləşdiyi Art Piece 2 saatını təqdim edilib.


Faberge brendindən "Lady Compliquée Peakock" xanımlar üçün mütləq zinət əşyası olacaq.


Zinət əşyalarının Bakıda eksklüziv bağlı nümayişi "Four Seasons Baku" otelinin və Boutique Baku jurnalının dəstəyi ilə keçirilib.


Şəkilləri böyütmək üçün üstünə klikləyin: