Baş nazir: "Rusiya Ermənistanı 200 milyon dollarlıq silahla təmin etməyə başlayıb"

"Dəyəri 200 milyon dollar olan kredit sazişinin şərtlərinə əsasən Rusiya tərəfindən Ermənistanın silahla təmin olunması prosesinə başlanılıb". APA-nın "İnterfax" agentliyinə istinadən verdiyi xəbərə görə, bu barədə Ermənistanın baş naziri Ovik Obramyan deyib.

"Prosesə start verilib və işlər plana uyğun gedir. Heç bir problem yoxdur", - deyə baş nazir qeyd edib.

Bu məsələnin mayın 20-də Ermənistanda səfərdə olan Rusiyanın baş naziri Dmirtiy Medvedevlə müzakirə olunub-olunmaması ilə bağlı suala O. Obramyan bu cür cavab verib: "Biz həmişə fürsətdən yararlanırıq".