Avtobusdan yıxılan sərnişin ölüb

Bakıda sərnişin avtobusdan yıxılaraq ölüb.



Sabunçu Rayon Polis İdarəsindən APA-ya verilən məlumata görə, Bakı şəhər sakini Məsud Piriyevin idarə etdiyi "İsuzu" markalı sərnişin avtobusunda olan sərnişin Kənan Quliyev avtobusdan yıxılıb. Xəsarətlə xəstəxanaya yerləşdirilən K.Quliyev orada dünyasını dəyişib.



Faktla bağlı Sabunçu Rayon Polis İdarəsi tərəfindən araşdırma aparılır.