İranlı aktrisanın döyməsi qalmaqala səbəb oldu - Foto

Məşhur iranlı aktrisa Taraneh Alidoostinin qolundakı qadın gücünün rəmzi hesab edilən dövmə müzakirələrə səbəb olub.

“Qafqazinfo” xarici KİV-nə istinadən xəbər verir ki, ötən ay Kan festivalında “ən yaxşı ssenari” mükafatına sahib olan “The Salesman” filminin qəhrəmanı tənqid atəşinə tutulub.

Bu həftə filmlə bağlı mətbuat konfransına qatılan aktrisa əlini mikrofona uzadıb, qolunda döymə olduğu ortaya çıxıb.

İran mətbuatında həmin fotolar yayılmağa başlayıb. Bəzi ölkə qəzetləri Taranehi feminist olduğuna görə günahlandırıb. Mühafizəkar din xadimləri və onların tərədarları bu addımın günah olduğunu bildiriblər.

Qeyd edək ki, evli və bir uşaq anası olan Alidoosti daha əvvəl də İranda qadağan olan abortu müdafiə etmiş, bu səbədən tənqid atəşinə tutulmuşdu.