Ötən gün Azərbaycanda 3 bıçaqlanma hadisəsi olub

Ötən gün Azərbaycanda 3 bıçaqlanma hadisəsi olub. Daxili İşlər Nazirliyindən APA-ya verilən məlumata görə, Hadisə Xəzər rayonun Şüvəlan qəsəbəsində qeydə alınıb. 27 yaşlı Fərhad Orucov münaqişə zəminində həmyerlisi 20 yaşlı Elnur Güləliyevi bıçaqlayıb. F. Orucov tutulub.



Digər hadisə isə Suraxanıda qeydə alınıb. Binə qəsəbəsində yaşayan 32 yaşlı Rüstəm Məmmədov münaqişə zəminində qonşusu 29 yaşlı Emin İsmayılovu bıçaqlayaraq hadisə yerindən qaçıb. Hazırda R. Məmmədovun tutulması istiqamətində iş aparılır.



Analoji hadisə Naxçıvan şəhərində qeydə alınıb. Şəhərin Azərbaycan prospektində kafelərdən birində şəhər sakini Seymur Əlizadə münaqişə zəminində həmyerlisi Elçin İbrahimova bıçaqla xəsarət yetirib. S. Əlizadə saxlanılıb.



Hər üç faktla bağlı araşdırma aparılır.