Fransa Sankt-Peterburq görüşünün nəticəsini alqışlayır

Fransa Minsk qrupunun həmsədr ölkəsi kimi iyunun 20-də Sankt-Peterburqda baş tutan görüşün nəticəsini alqışlayır.

Bu barədə APA-ya açıqlamasında Fransanın Azərbaycandakı səfiri Aureliya Buşez deyib.

Səfir bildirib ki, münaqişənin sülh yolu ilə həllinə ancaq davamlı və səmimi dialoq nəticəsində nail olmaq mümkündür.

“Minsk qrupunun həmsədrləri münaqişə tərəfləri arasında vasitəçi olaraq öz öhdəliklərini yerinə yetirməyə davam edəcək, həmçinin, etimad quruculuğu tədbirlərinin həyata keçirilməsinə və münaqişənin sülh yolu ilə hərtərəfli həlli istiqamətində səylərini davam etdirəcəklər. Minsk qrupunun həmsədr ölkəsi kimi Fransa artıq Azərbaycan və Ermənistan prezidentlərinin görüşünə ev sahibliyi etməyə hazır olduğunu bildirib”.