Tünzalə Ağayeva və Sabina Babayeva konsert verəcəklər

Azərbaycan səhnəsinin iki güclü səsi, əməkdar artist Tünzalə Ağayeva və Eurovision təmsilçimiz Sabina Babayeva birlikdə konsert proqramı ilə çıxış etmək niyyətindədirlər.



Dəfələrlə ayrı-ayrılıqda canlı olaraq caz, soul, bluz və başqa janrlardakı ifaları ilə anşlaqlı konsertlər verən ifaçılar bu dəfə daha böyük proqramla çıxış etmək fikrindədirlər.



İfaçılar konsertlə bağlı məlumatları gizli saxlasalar da, gecənin ənənəvi konsertlərdən çox fərqlənəcəyini söyləyiblər.



Qeyd edək ki, Tünzalə və Sabinanın birgə konsertinin payız aylarında gerçəkləşdirilməsi nəzərdə tutulur.