Şamaxıda iki avtomobil toqquşub, bir nəfər ölüb, 3 nəfər xəsarət alıb

Bakı-Şamaxı-Yevlax avtomobil yolunda bir nəfərin ölümü, 3 nəfərin xəsarət alması ilə nəticələnən ağır avtomobil qəzası baş verib.



APA-nın məlumatına görə hadisə bu gün günorta saatlarında magistral yolun 126-cı kilometrliyində, Şamaxının Mədrəsə kəndi ərazisində qeydə alınıb. Mədrəsə kənd sakininə məxsus “VAZ 2107” markalı minik maşını qarşı tərəfdən gələn “Mercedes” markalı minik maşını ilə toqquşub. Hadisə nəticəsində “VAZ 2107” markalı maşının sürücüsü 1971-ci il təvəllüdlü Yusifov Fədail Bəkir oğlu aldığı xəsarətlərdən hadisə yerində dünyasını dəyişib, Mədrəsə kənd sakinləri olan sərnişinlər - 1959-cu il təvəllüdlü Paşaliyeva Gülzar Ömər qızı, 1969-cu il təvəllüdlü Bədəlova Nəsibə Qafur qızı, 1991-ci il təvəllüdlü Quliyeva Safura Məcid qızı müxtəlif dərəcəli bədən xəsarətləri ilə Şamaxı rayon Mərkəzi Xəstəxanasına yerləşdirilib.


Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.