İngiltərə Premyer Liqası klubları transferlərə rekord məbləğdə vəsait xərcləyib

Bu yay İngiltərə Premyer Liqasının klubları transferlərə 1,15 milyard funt sterlinq (1,35 milyard avro) avro xərcləyərək futbol tarixində yeni rekorda imza atıblar.

APA-nın BBC-yə istinadən verdiyi xəbərə görə, bu, 2015-ci ilin yay transferlərinə xərclənən vəsaitdən 114 milyon funt sterlinq (134 milyon avro) çoxdur.

“Mançester Yunayted” klubu fransalı yarımmüdafiəçi Pol Poqba üçün İtaliyanın “Yuventus” klubuna 105 milyon avro ödəyərək futbol tarixində ən bahalı transferi gerçəkləşdirib.

Bundan əvvəl dünyanın ən bahalı futbolçusu uelsli Qaret Beyl idi. O, "Tottenhem”dən 100 milyon avro qarşılığında "Real”a keçmişdi. Qeyd edək ki, Avropada yay transfer pəncərəsi avqustun 31-dən sentyabrın 1-ə keçən gecə bağlanıb.