Bakı Türk Şəhidliyi bu il təmir olunacaq

Bakı Türk Şəhidliyində təmir-yenidənqurma işlərinin aparılması planlaşdırılır.


APA-nın məlumatına görə, işlərin bu il ərzində həyata keçirilməsi nəzərdə tutulur.


Təmir-yenidənqurma işləri Türkiyənin Makina və Kimya Sənayesi Qurumu (MKE) tərəfindən aparılacaq. Bu məqsədlə yaxın günlərdə MKE-nin əməkdaşları Bakıya gələcəklər.


Qeyd edək ki, Dağüstü Parkda yerləşən Türk Şəhidliyi 1918-ci ilin sentyabr ayında Bakının bolşevik-daşnak işğalından azad edilməsi zamanı şəhid olmuş 1 130 türk əsgərinin xatirəsinə MKE-nin maliyyə vəsaiti hesabına ucaldılıb. Abidə 1999-cu ildə açılıb.