Teleaparıcı Zemfira ehtiraslı atla

Teleparıcı Zemfira Adıgözəlova yeni fotosessiya etdirib.


Zemfira xanım fotolarda şahzadə obrazı yaradıb.


Çəkiliş zamanı Zemfira xanım çətin anlar yaşayıb: “Çəkiliş üçün Binə Atçılıq Mərkəzində yerləşən “Elite Atçılıq Klubu”na yollandım. Fotosessiya üçün seçdiyim atla bağlı mənə xəbərdarlıq etdilər. Atın kaprizli olduğunu söyləyib, onunla çəkiliş etməyi məsləhət bilmədilər. Lakin atın rəngi, gözəlliyi və geyimimə uyğunluğu baxımından məhz onunla fotosessiya edəcəyimi təkidlə israr etdim. Qorxa-qorxa da olsa, fikrimdən daşınmadım. Çəkilişin əvvəli rahat keçsə də, sonrakı prosesdə at kaprizlərini göstərməyə başladı. Atın yəhərini əlimdə saxlaya bilmirdim. Var gücü ilə çəkiliş meydançasından qaçmaq istəyirdi. Sən demə mən atçılıq mərkəzində olan ən ehtiraslı atı seçmişəm. Meydançada dişi atların olması, bizə əməlli başlı çətinlik yaşatdı. At çəkiliş prosesini tərk edib, dişi atların yanına getmək istəyirdi. Çətinliklə də olsa, fotosessiyamızı uğurla yekunlaşdırmağı bacardıq”.


Teleaparıcının makiyajı üzərində stilist-vizajist Nura Babayeva çalışıb.


Fotoların müəllifi Ruslan Teymurlatovdur.