Nəsrin Cavadzadə geyimi ilə gündəmdə

Türkiyədə 53-cü Beynəlxalq Antalya Film Festivalı başlayıb.


Live.Az Türkiyə mətbuatına istinadən xəbər verir ki, festivalın açılış mərasiminə türk ulduzlarla yanaşı, danimarkalı aktrisa Connie Nielsen, italyalı aktrisa Mariya Grazia Cucinotta, italiyalı prodüser Giulio Violati, amerikalı aktrisa Andie Macdowell, amerikalı aktyor Corc Hamilton və digərləri qatılıb.


“Onur ödülleri”nin sahibi Yılmaz Gruda, Feyzi Tuna və Audrey Taotou olub.


“Altın Portakal Emek Ödülü”nə Altan Karındaş və Tolon Karacaoğlu layiq görülüb.


“Yıldırım Önal Anı Ödülü”nü təxminən 2 il əvvəl beyin qanaması keçirən və hələ də müalicəsi davam edən Kenan İşıka təqdim edilməsi üçün oğlu Mehmet İşıka verilib.


“Yaşam Boyu Başarı Ödülü” Emel Sayına təqdim olunub.


Qala-gecədə müğənni Yavuz Bingöl orkestrin müşayiəti ilə “Sarı gəlin” Azərbaycan xalq mahnısını səsləndirib.


Əslən azərbaycanlı olan, uşaqlıq illərindən Türkiyədə yaşayan və fəaliyyət göstərən aktrisa Nəsrin Cavadzadə tədbirdə geyimi ilə diqqət çəkib.