Eldar Qasımovdan “Street style” foto-layihəsi

Azərbaycanın tanınmış sənətçisi, “Eurovision 2011” mahnı müsabiqəsinin qalibi Eldar Qasımov “Street style” adı altında yeni foto-layihəsini təqdim edib.


“Street style” dəbi həm çətin, eyni zamanda çox maraqlıdır. Eldar Qasımov deyib ki, bu dəb hər bir geyimlə qarışdırıla və uyğunlaşdırıla bilər, həm də özü-özlüyündə maraqlı görünür və heç bir çərçivəyə sığmır.


“Sizə təqdim olunan bu foto-layihəni çox bəyəndim. Layihə paytaxt Bakının qədim və mərkəzi küçələrində gerçəkləşib. Həm qədimliyi, həm də müasirliyi özündə birləşdirən şəhərimizdə bu cür layihənin həyata keçirilməsi müsbət haldır. Və mən əminəm ki, təqdim etdiyimiz layihəni sizlər də bəyənəcəksiniz”.


Eldar Qasımovun foto-layihəsi “Ay Moment Group”u və fotoqraf Yusif Əhmədzadə tərəfindən hazırlanıb.